Velkommen på jakt hos Øvre Numedal statsalmenning
Opplev ekte fjelljakt i Øvre Numedal — her kan du jakte småvilt, elg og villrein i storslått natur. Jakttilboda vert forvalta av fjellstyret, og gjev deg høve til å kombinere jakt, natur og eventyr i eit vilt og roleg høgfjellslandskap.
Småviltjakt
Vi tilbyr mellom anna jakt på lirype, fjellrype, hare og rev. Småvilt kan jaktast med hund. I tillegg vert det tilbode treningskort for fuglehund. Jakta vert regulert av Fjellova gjennom vedtak i fjellstyret, og alle fangstar skal rapporterast. Dette er viktig for å sikre god forvaltning av bestandane. Fjellstyret kunngjer jaktsesong og kortsal på førehand via iNatur og eigne nettsider.
Fjellstyret har delt statsallmenningen inn i 4 jaktfelt:
Ønskjer du hytte saman med jaktkorta? Fjellstyret har gjennom fleire år søknad og trekning på jaktkort med hytte.
Følgjande pakker gjeld:
Jaktfelt 1: Fjellstyrehytta Grønenuten jaktlag for inntil 6 jegerar: eige felt på hytta - vekepakker frå 10.09
Jaktfelt 1: Fjellstyrehytta Kolven jaktlag for inntil 6 jegerar: avsett 6 sengeplassar på hytta - vekepakker frå 10.09
Jaktfelt 2: Fjellstyrehytta Ribbohæ jaktlag for inntil 6 jegerar: avsett 6 sengeplassar på hytta - vekepakker frå 10.09
Jaktfelt 2: Fjellstyrehytta Bakketjønn jaktlag for inntil 4 jegerar: avsett 4 sengeplassar på hytta - vekepakker frå 15.09
Jaktfelt 4: Fjellstyrehytta Jegerbu jaktlag for inntil 6 jegerar: avsett 6 sengeplassar på hytta - vekepakker frå 15.09
Reins- og elgjakt innanbygdsbuande
På Øvre Numedal statsallmenning kan personar som det siste året har vore og framleis er busette i "området der allmenningen ligg" søkje om reinsjakt.
Alle søknader på villreinjakt skjer via søknadssidene på iNatur. Søknadslinken vert aktivert cirka 1. april og søknadsfristen er 2. mai kvart år.
Har du vorte tildelt reinsjakt? Då kan du òg kjøpe dagskort på elg og hjort.
Viktig: Hugs å betale jegeravgifta i god tid før 2. mai. Du vil ikkje kunne betale for jaktkortet ditt før du har betalt jegeravgifta. Dette vert sjekka automatisk via jegerregisteret og er eit absolutt krav for å få betalt kortet.
Reins- og elgjakt utanbygds
Øvre Numedal statsallmenning tilbyr villreinjakt for utanbygds jegerar etter tildeling i tråd med § 23 og § 24 i fjellova. Søknad om jaktkort må leverast innan fastsett frist via iNatur, og søknader som kjem for seint, vil ikkje bli handsama. Jakta går føre seg under strenge reguleringar og kvotar for å sikre ei berekraftig forvaltning av reinen og naturen rundt.
2025: søknadsfrist 2. mai.