Røldal Statsallmenning

Røldal statsallmenning ligg sørvestsida av Hardangervidda på grensa til Telemark, og strekker seg nedover Setesdal-Ryfylke villreinområde, til fylkesgrensa mot Rogaland. Her finn du Sandfloegga (1721 moh.), den høgaste toppen innanfor Hardangervidda nasjonalpark. Ein har også framleis stølar i drift på Haukelifjell og eit levande kulturlandskap der geitene framleis gjev mjølk til geitost – slik dei har gjort i generasjonar.

Fjellnaturen kring Røldal består av mange høge toppar, blankskurte fjell, og framleis ei snøfonn eller to. I dei meir sentrale delene av statsallmenninga, finn ein relativt greier fiskevatn. Utforsk, nyt og opplev – men gjer det med varsemd. Hjelp oss å ta vare på fjellet, slik at det held fram med å gje glede til nye generasjonar.

Kva kjenneteiknar Røldal statsallmenning

Omfang og naturmangfald: Røldal statsallmenning strekkjer seg over 349 000 dekar sørvest på Hardangervidda, med majestetiske fjell, vide vidder og dalføre som delvis ligg innanfor nasjonalparken. Her finn du både frodige stølsområde og det høgaste punktet på vidda – Sandfloegga (1721 moh.) – omgitt av eit rikt og variert fjelløkosystem.

Fiske i fjellvatn og elvar: I Røldal finst det mange vatn og elvar med god aurebestand. Her kan du prøva stongfiske i klåre høgfjellsvatn eller garnfiske der det er opna for det. Fangstrapportering er med på å sikra berekraftig forvaltning og gode fiskemoglegheiter også i framtida.

Jakt – småvilt og storvilt: Røldal byr på spanande jaktopplevingar i ekte fjellterreng. Du kan jakta rype og smårovvilt – eller søkja om deltaking i den tradisjonsrike villreinjakta på Hardangervidda. Terrenget er variert, ope og krevjande, med høve til både ro og spenning.

Stølsdrift og kulturarv: Fire stølar ligg innanfor allmenningen, tre av dei med drift om sommaren langs gamlevegen over Haukelifjell. Her held tradisjonane fram – med geitemjølk som vert til ost, og kyramjølk som vert til rjome og gammalost. Dette gjev Røldal eit levande kulturlandskap og ei sterk tilknyting til historia.

Hytter og friluftsliv: Fjellstyret forvaltar hytter og stølsområde som gjev deg ein unik sjanse til å oppleva fjellet på nært hald. Her kan du nyta stilla, finna roen og kjenna på ekte fjellfridom – midt i Hardangerviddas vestlege villmark.

Forvaltning med respekt for naturen: Røldal fjellstyre arbeider for å ta vare på naturen, tradisjonane og bruken av allmenningen. Her står lokal forankring, berekraft og respekt for fjellet i sentrum – slik at naturen kan gje like store opplevingar til framtidige generasjonar.

Breifonn statsallmenning

Historikk: Ved Høyfjellskommisjonen sin kjennelse av 2. september 1931 i Ryfylke-Bykleforretningen 3. felt og tilleggskjennelse av same dato i Røldalsforretningen 1. felt, vart eit område ved Breifonn kjent å være statsallmenning. Breifonn statsallmenning har fram til 23.april 2024 vore uten fjellstyre.

Etter initiativ frå Røldal fjellstyre, vart området «innrullert» i ordinær modell etter fjelloven. Det er no avklart at den delen av Breifonn statsallmenning som ligger i Ullensvang kommune, frå no skal forvaltast av Røldal fjellstyre jf. fjellova § 3. – og at den delen av Breifonn statsallmenning som ligger i Suldal kommune, forvaltast av Suldal fjellstyre jf. fjellova § 3.

Omfang og naturmangfald: Delen av statsallmenninga som ligg innanfor Ullensvang kommune, og Vestland fylke, har eit areal på 9.6 km2. Breifonn er den sydlegaste isbreen i Norge, og den einaste i Rogaland fylke. Som ein konsekvens av eit varmare klima, har det dei seinare åra minka mykje på isbreen. Det er no svært lite att av denne, og truleg vil den forsvinne heilt eit av dei næraste åra. Når isen forsvinn, kjem det fram blankskurte fjell og steinurer.

Jakt og fiske: Fjellstyret sel jakt og fiskekort på Røldal Statsallmenning. Desse løyvene kan også nyttast på den delen av Breifonn statsallmenning som ligg innanfor Ullensvang kommune. Fjellstyret gjer merksam på at det ikkje er fisk innanfor Breifonn statsallmenning.