Samarbeidsorganet for fjellstyra på Hardangervidda (SfH)

Ulvik Fjellstyre melder om at finsebu no har vorte svært populær som utleigehytte for fjellfolk. Den flotte hytta like ovanfor Finse stasjon er stadig oppteken av folk som vil overnatte i Finseområdet. Her kan dei som ynskjer det gå inn på Inatur å booke hytta når dei måtte ynskje det.

Det har vorte ein suksess melder Fjelloppsyn Harald Andersen i Ulvik Fjellstyre. Grunna den store auken i talet på overnattingar har det etterkvart vorte eit problem med kapasiteten på toalett på hytta, men Fjellstyret har no teke tak i dette og bygd ny do med større kapasitet. Jobben vart sett bort til Hardangervidda Fjelloppsyn og vart utført på nyåret i 2012. Bilete frå dette kan du sjå under Fjelloppsyn.

Historisk vedtak på Hardangervidda

Fjellstyreleiarane som gjorde det historiske vedtaket var frå venstre: Aslak Myrvang, Eidfjord, Knut Sygnestveit, Ulvik, Dorthe Huitfeldt, Rauland, Steinar Langesæter, Ullensvang, Vebjørn Håvardsrud, Øvre Numedal, Johnny Vikne, Odda og Magnus Solbakken, Røldal

Foto: SHO, HF

På møtet i Kinsarvik den 02.12.2011 vart fjellstyra på Hardangervidda einige om å slå saman den politiske organisasjonen Samarbeidsorganet for Fjellstyra på Hardangervidda og oppsynsselskapet Hardangervidda Fjelloppsyn as.

Dette vart gjort for å få ein meire smidig organisasjon i fjellstyresystemet på Hardangervidda. Det vil no vere ein organisasjon å forhalde seg til dersom ein ynskjer kontakt mot fjellstyra. I tillegg vil dette føre til ei meire rasjonell drift.

Det nye namnet på selskapet vil vere Samarbeidsorganet for Fjellstyra på Hardangervidda as. Oppsynsaktiviteten vil framleis nytte namnet Hardangervidda Fjelloppsyn. Hovudkontoret vil som før vere på Voss, med Georg Gjøstein som dagleg leiar.

Takkar av etter lang og tru teneste